على قد ما فرحت على قد ما طقهت ! [ محمد البهلوان ]

وأنا رايح عشان اصوت في الانتخابات الرئاسية وقد ايه كنت فرحان ومزقطط
ومنتفش بالسعادة ا ووي ، وكأني مواطن امريكي او كولمبيي وقد ايه فرحان بمصر ، مصر يا ناس يا عرب يادول اوربا بتتنخب رئيس بكل حرية
زمان كان استفتاء نعم او لا ، ومعروف مقدما النسبة 99.9 %
كنت بقول نعم تصدقوا لان عارف انها متفرقش
لكن المرة دي اوووه

بدي صوتي لواحد من ضمن 13 مرشح

وبالرغم من ان الحكاية عندي بدأت توضح
وان المجلس العسكري عاوز شفيق


لكن قولت خير اللهم اجعله خير

أعمل اللي عليا وان شاء الله اتفاءل خير

كنت الأول مرشح حازم ابو اسماعيل وش
قوم ايه قالوا امه ا مريكية وأشمعني دلوقتي امه ا مريكية بعد الراجل ما صرف كل ده والناس عامله تتبرع عشان الحملة بتاعته تتطلع امه امريكية ! اوبظ في الوقت المناسب بالفعل

ما علينا قولت في بالي هرشح مين هرشح مين

كنت محتار في الاول ما بين ابو الفتوح وحمدين صباحي ومحمد مرسي وبعد تفحيص وتمحيص قولت حمدين صباحي

ولكن !
كنت بحس منه بعدم الصدق

كلام زي الفل بس حاسس انه ممثل

عارف كويس يتعامل مع الكاميرا
ابتسامه محسوبة

المهم كنت حاسس انه بيمثل

ولكن رميته من حساباتي سريعا عندما سمعت منه كلام كبير اووي
صناعة السينما
والحرية والتسامح

وان حرية الاديان عنده شيء اساسي
يعني هيخلي مصر خرابة

البهائين هيظهروا والشيعه هيقول عاوزين نعمل الشعائر علانية

وهكذا
قولت لا لحمدين

صاحب الفكر الناصري

مش كفاية عبد الناصر واحد ، مش عاوزين نرجع للماضي تاني


اوم ايه احترت بين مرسي وابو الفتوح

اخترت ابو الفتوح لانه مستقل وصاحب فكر وسطي

وفي نفس ذات القوت صاحب فكر اسلامي واقتصادي


وبالفعل داخلت لجنة الانتخابات وامسكت ورقة الترشيح ورغم ان مقرر من سأعطي له صوتي ، ولكن وقتها يدي ارتعشت والقلم وقع

حيرة ما بعدها حيرة

قال ايه صوتي هيفرق في من يحكم مصر

ونطقت بالشهادتين

اشهد ان لا اله الا الله وان محمد رسول الله

يارب اشهدك انني اختار من ينصر دينك في الارض

اخترت عبد المنعم ابو الفتوح

وروحت
وانتظرت النتيجة

وبالمفاجاءة

مرسي وشفيق

امكن مرسي متوقع عشان وراءة مؤسسة

ولكن عم شفيق ده نجح ازاي
احنا قومنا بثورة عشان نرمي ا م النظام ده بره

قوم نرجع واحد من عباقرة الفساد فيه

شفيق

شفيق مين

شفيق يا راجل
صاحب صاحب اللي عمل المترو


بصراحة علي قد ما فرحت علي قد ما طقهت

وظني يبدو انه سيفلح المرة دي

والموضوووع محسوم لشفيق


والصوت ولا بيفرق ولا حاجة



همه برده اللي عاوزينة بينجحوا


وعلي قد ما فرحت علي قد ما طقهت


بقلم الكاتب
محمد البهلوان

يحظر النقل او النسخ دون الاشارة للمصدر وصاحب الموضووع