هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
مبوبة دوت كوم هو موقع اعلانات مبوبة مجانية فى مصر لبيع و شراء اى شئ. سيارات, عقارات للبيع او للايجار, وظائف خالية, موبايلات مستعملة, الكترونيات, سلع للبيع.
ملف متكامل عن غسالة الاطباق وايت ويل, شرح الاجزاء,البرامج,رص المواعين,توفير وبالصووور
كاتب الموضوع
رسالة
el_so5ayar
إداري مبوبة دوت كوم
تاريخ التسجيل : 09/12/2011 الدولة : مصر الهوايات : الرماية عدد المساهمات : 1701 نقاط : 3131
موضوع: ملف متكامل عن غسالة الاطباق وايت ويل, شرح الاجزاء,البرامج,رص المواعين,توفير وبالصووور السبت يناير 07, 2012 6:23 pm
ملف متكامل عن غسالة أطباق وايت ويل,شرح مفصل لكل حاجة بالصووور السلام عليكم ورحمة الله وبركاته ازيكم ياقمرات فتكات وحشتوني كلكم النهاردة جايبالكم موضوع لذيذ وشيق وفي ناس كتير اوي في المنتدى بتسال عن غسالة الاطباق عموما وعن وايت ويل خصوصا...فقلت اخد فيكم ثواب واعملكم موضوع متكامل واخد استفساراتكم عنها وباذن الله مع بعض هنحل اي مشكلة عند اي فتوكه...خصوصا انه صعب اوي اشرح من غير صور فالموضوع هيكون بالصور وهناخد كل حاجه خطوة خطوة عايزاكم تفتحو مخكم معايا كده ونركز ونقرا الموضوع كويس وباذن الله يكون سهل وبسيط
دي صورة غسالتي الحلوه
أولا: الاجزاء الخاصة بغسالة الاطباق ومكان وضع المنتجات 1- الملللللح وده اهم حاجه طبعا...مهم للغسالة نفسها علشان الملح بيفك اي ترسبات ممكن تسد الغسالة من جوه ولو الغسالة محتاجة ملح هتلاقي اللمبة بتاعة الملح اللي في الصورة اللي فوق نورت اول ماتدوسي على زرار التشغيل هتفتحي الغسالة وتطلعي الرف التحتاني لبره هتلاقي مكان وضع الملح في قعر الغسالة نفسها
زي منا كاتبالكم في الصوره هنفتح الغطا هنلاقي فتحه كده فيها مية هنحط فيها القمع اللي جاي مع الغسالة (او اي قمع عندك في البيت بس تكون فتحته واسعه شويه) وتحطيه في الفتحه وتصبي الملح...غسالتي بحطلها كيلو ملح كل مره وبيقعد فترة طويلة على ماتحتاج تاني ادي صورة الفتحه بعد ماشلنا الغطا
وادي صورة القمع وهوه متركب في الفتحه ونصب الملح
خلاص الحمد لله حطينا ملحنا وغسالتنا كلت وشبعت...نقفل الغطا مانسيبوش مفتووووووح *************************************** 2- مساعد الشطف..ده يابنات مهم في انه بيخلي الصابون بتاع الغسالة يتشطف بسهولة لان الصابون بتاعها بيبقى قلوي اوي وصعب يتشطف فده مهم لكده وبرضو مهم في عملية التجفيف..(الغسالة بتنشف المواعين في الاخر وبتحتاجه لكده) والسائل ده ليه لمبة برضو من بره بتنور لما الغسالة بتحتاجه وهقولكم على تكّة كده مهمه عن مساعد الشطف ده في الاخر علشان انا عارفه انه بيسبب مشكلة لبعض الناس بيشتكو من ان المواعين بتطلع مجيّرة او عليها رواسب بيضة هقولكم نحلها ازاي
دلوقتي هنركز على باب الغسالة من جوة هنلاقي مكان الصابون ومكان الزيت ده مكان الزيت وهوه مقفول
لما نيجي نفتحه نحرك الغطا باتجاه السهم بحيث انه يشاور على المثلث الفاضي ونقوم شادينه لفوق
كده
نصب السائل ولما تتملي نتاكد من حاجة مهمة جداااا ان المؤشر يكون على 2 او 1 ماتزوديش عن 2 المؤشر بتحركية بسكينه او معلقة وخليه على 2 زي منا عاملاه
يابنات الحتة دي مههمة جدا في ناس كتير بتغلط بانها بتزود المؤشر بتاع السائل على اخر حاجه وده مش بس بيستهلك السائل لا هوه ده اللي بيسبب الرواسب البيضه اللي كتير بيشتكو منها لانه هوه نفسه بيترسب على المواعين...جربي كده اعملي المؤشر بتاع السائل على 2 او 1 وانتي هتدعيلي لما المواعين بتاعتك تطلع بتلمع وزي الفللل ************************************************** *********** 3- الصابووووووووووووووووون...مهم جدا طبعا من غيره مافيش حاجه هتنضف هتلاقو المكان بتاعه زي علبة مربعة جنب المكان بتاع السائل على طول في الباب من جوه ده شكله
ودي الملعقة اللي جاية مع الغسالة بتعايري بيها الصابون وتحطيه
في مكانين للصابون مكان البري وواش ومكان الغسلة نفسها في بعض البرامج بتحتاج انك تحطي صابون في المكان المخصص بتاع البري واش وفي برامج لا وهقولكم عليها لما نيجي نشرح البرامج نحط ربع الكمية في الpre washوالباقي في المكان العادي
كده يابنات بكون خلصت شرح الاجزاء واماكن وضع الحاجة الرد الجاي هشرحلكم الطريقة الصحيحة لرص المواعين علشان تاخدو افضل نتايج وهشرح البرامج واحد واحد وامتى نستعمل مين فيهم وهقولكن على كام حاجة حلوة تعملوها وكمان ازاي توفري في المنتجات بتاعتها وباذن الله هتدعولي ماحدش يرد يابنات يتبععععع
ملف متكامل عن غسالة الاطباق وايت ويل, شرح الاجزاء,البرامج,رص المواعين,توفير وبالصووور